Page 31 - Officiolo

Novum genus potentiæ:
Aquae rubescunt hydriæ,
Vinumque jussa fundere,
Mutavit unda originem.

Jesu, tibi sit gloria,
Qui apparuisti gentibus,
Cum Patre, et almo Spiritu,
In sempiterna sæcula. Amen

Antiphona:
Homo natus est in ea, et ipse fundavit eam Altissimus

PSALMUS 86

Fundamenta eius in montibus sanctis; *
diligit Dominus portas Sion super omnia tabernacula Jacob.

Gloriosa dicta sunt de te,* civitas Dei.

Memor ero Rahab et Babylonis, * scientium me.

Ecce alienigenae et Tyrus, et populus Aethiopum, *
hi fuerunt illic.

Numquid Sion dicet: homo, et homo natus est in ea: *
et ipse fundavit eam Altissimus.

Dominus narrabit in Scripturis populorum, et principum*
horum, qui fuerunt in ea.

Sicut laetantium omnium * abitatio est in te.

Gloria Patri et Filio, * et Spiritui Sancto,

sicut erat in principio, et nunc et semper,*
et in saecula saeculorum. Amen.

Antiphona:
Homo natus est in ea, et ipse fundavit eam Altissimus.