Page 15 - Officiolo
P. 15
sicut erat in principio, et nunc et semper,*
et in saecula saeculorum. Amen.
Antiphona:
Homo natus est in ea, et ipse fundavit eam Altissimus.
V. Notum fecit Dominus, Alleluia,
R. Salutare suum, Alleluia.
Pater noster
Absolutio:
Exaudi, Domine Jesu Christe, preces servorum tuorum,
et miserere nobis, qui cum Patre et Spiritu Sancto,
vivis et regnas in saecula saeculorum.
R. Amen
PRIMA LECTIO (Lc. 2,1-8)
V. Jube, Domine, benedicere.
R. Benedictione perpetua benedicat nos Pater aeternus.
A. Amen.
In diebus illis: Exiit edictum a Caesare Augusto, ut de-
scriberetur universus orbis. Haec descriptio prima facta est a presi-
de Syriae Cyrino: et ibant omnes, ut profiterentur singuli in suam
civitatem. Ascendit autem et Joseph a Galilea de civitate Nazareth
in Judeam in civitatem David, quae vocatur Bethlehem: eo quod
esset de domo, et familia David ut profiteretur cum Maria
desponsata sibi uxore praegnante. Factum est autem, cum esset
ibi, impleti sunt dies ut pareret. Et peperit Filium suum
primogenitum, et pannis eum involvit, et reclinavit eum in
praesepio, quia non erat eis locus in diversorio. Tu autem, Domine,
miserere nobis.
A. Deo gratias.
