Page 17 - Officiolo

Responsorium:

V. Beata viscera Mariae Virginis, quae portaverunt aeterni Patris
Filium: et beata ubera, quae lactaverunt Christum Dominum:
qui hodie pro salute mundi de Virgine nasci dignatus est.

R. Dies sanctificatus illuxit nobis: venite gentes, et adorate
Dominum: qui hodie pro salute mundi de Virgine nasci
dignatus est.

SECUNDA LECTIO (Lc 2,8-14)

Unigenitus Dei Filius, nos benedicere et adjuvare dignetur.
A Amen.

Et pastores erant in regione eadem vigilantes, et custodien-
tes vigilias noctis super gregem suum. Et ecce Angelus Domini
stetit ju xta illos, et claritas Dei circumfulsit illos, et timuerunt
timore magno. Et dixit illis Angelus: nolite timere: ecce en-
im evangelizo vobis gaudium magnum, quod erit omni popu-
lo: quia natus est vobis hodie Salvator, qui est Christus Domi-
nus, in civitate David. Et hoc vobis signum: invenietis infantem
pannis involutum, et positum in praesepio. Et subito facta est
cum Angelo multitudo militiae caelestis, laudantium Deum, et
dicentium: «gloria in Altissimis Deo, et in terra pax homini-
bus bonae voluntatis ».

A. Deo gratias.

Responsorium :

V. Verbum caro factum est, et habitavit in nobis: et vidi-
mus gloriam eius, gloriam quasi Unigeniti a Patre plenum
gratiae et veritatis.