Page 67 - Officiolo
P. 67
Tremunt videntes angeli
versam vicem mortalium,
peccat caro, mundat caro,
regnat Deus Dei caro.
Jesu, tibi sit gloria,
qui victor in caelum redis,
cum Patre, et Almo Spiritu,
in sempiterna saecula. Amen.
Antiphona:
Elevamini portae aeternales, introibit rex gloriae. Alleluja.
PSALMUS 23
Domini est terra et plenitudo ejus; *
orbis terrarum et universi qui habitant in eo.
Quia ipse super maria fundavit eum *
et super flumina praeparavit eum.
Quis ascendent in montem Domini, *
Aut quis stabit in loco sancto ejus?
Innocens manibus et mundo corde, *
qui non accepit in vano animam suam
nec juravit in dolo proximo suo.
Hic accipiet benedictionem a Domino *
et misericordiam a Deo salutari suo.
Haec est generatio quaerentium eum,
quaerentium faciem Dei Jacob.
Attollite portas, principes, vestras, et elevamini portae aeternales,*
et introibit rex gloriae.
Quis est iste rex gloriae? *
Dominus fortis et potens, Dominus potens in proelio.
Attollite portas, principes vestras, et elevamini, portae aeternales,*
