Page 71 - Officiolo
P. 71
tizabimini Spiritu Sancto non post multos hos dies.
Tu autem, Domine, miserere nobis.
A. Deo gratias .
Responsorium :
V. Exaltare Domine, alleluja, in virtute tua, alleluja.
R. Elevata est magnifìcentia tua super caelos Deus:
in virtute tua, alleluja.
SECUNDA LECTIO (Act. 1,6-9)
V. Jube, Domine, benedicere.
R. Unigenitus Dei Filius nos benedicere, et adjuvare dignetur.
A. Amen.
Igitur qui convenerant interrogabant eum dicentes: «
Domine, si in tempore hoc restitues regnum Israel? ». Dixit autem
eis: « Non est vestrum nosse tempora vel momenta, quae Pater
posuit in sua potestate; sed accipietis virtutem supervenientis
Spiritus Sancti in vos et eritis mihi testes in Ierusalem et in omni
Iudaea et Samaria et usque ad ultimum terrae.
Et, cum haec dixisset, videntibus illis, elevatus est, et nubes sus-
cepit eum ab oculis eorum. Tu autem, Domine, miserere nobis.
A. Deo gratias.
Responsorium:
V. Ascendens Christus in altum captivam duxit captivitatem,
dedit dona hominibus, alleluja, alleluja, alleluja.
R. Ascendit Deus in jubilatione, et Dominus in voce tubae.
Dedit dona hominibus, alleluja, alleluja, alleluja.
V. Gloria Patri et Filio et Spiritui Sancto.
R. Dedit dona hominibus, alleluja, alleluja, alleluja.
