Page 41 - Officiolo
P. 41
HYMNUS
O sola magnarum urbium
major Bethlehem, cui contigit
ducem salutis caelitus
incorporatum gignere.
Quem stella quae solis rotam
Vincit decore ac lumine,
venisse terris nuntiat
cum carne terrestri Deum.
Videre postquam illum Magi,
eoa promunt munera:
stratique votis offerunt,
thus, myrrham, et aurum regium.
Regem Deumque annuntiant
thesaurus, et fragrans odor
Thuris Sabaei, ac myrrheus
pulvis sepulcrum predocet.
Jesu, tibi sit gloria,
qui apparuisti gentibus,
cum Patre et Almo Spiritu,
in sempiterna saecula. Amen.
