Page 59 - Officiolo
P. 59
HYMNUS
Jam Pascha nostrum Christus est,
paschalis idem victima,
et pura puris mentibus
sinceritatis azima.
O vera caeli victima,
subjecta cui sunt tartara,
soluta mortis vincula
recepta vitae praemia.
Victor subactis inferis
trophea Christus explicat,
caeloque aperto, subditum
regem tenebrarum trahit.
Ut sis perenne mentibus
paschale Jesu gaudium,
a morte dira criminum
vitae renatos libera.
Deo Patri sit gloria,
et Filio, qui a mortuis
surrexit, ac Paraclito,
in sempiterna saecula. Amen.
