Page 109 - Officiolo
P. 109
Quibus sub bina specie
carnem dedit, et sanguinem
ut duplicis substantiae
totum cibaret hominem.
Se nascens dedit socium
convescens in edulium,
se moriens in pretium,
se regnans dat in praemium.
O salutaris hostia,
quae caeli pandis hostium:
bella premunt hostilia,
da robur, fer auxilium.
Uni trinoque Domino
sit sempiterna gloria:
qui vitam sine termino
nobis donet in patria. Amen.
Communio:
HYMNUS
Lauda Sion Salvatorem,
lauda ducem et pastorem
in hymnis et canticis.
Quantum potes, tantum aude:
quia major omni laude,
nec laudare sufficis.
Laudis thema specialis,
panis vivus et vitalis
hodie proponitur.
Quem, in sacrae mensa coenae,
turbae fratrum duodenae
datum abigitur.
Sit laus plena, sit sonora,
sit iucunda, sit decora
mentis iubilatio.
