Page 125 - Officiolo

gentium. Cum enim dixisset in prophetia: Ego autem sum constitu-
tus rex ab eo super Syon montem sanctum eius, praedicans prae-
ceptum Domini: ne propter montem Syon solis Judaeis eum regem
quisquam diceret constitutum, continuo subjecit: Dominus dixit ad
me: Filius meus es tu, ego hodie genui te; postula a me et dabo
tibi gentes hereditatem tuam et possessionem tuam terminos ter-
rae. Tu autem, Domine, miserere nobis.

Responsorium:

R. Factum est regnum huius mundi Domini nostri et Christi
eius: Et regnabit in saecula saeculorum.

V. Adorabunt in cospectu eius universae familiae gentium:
quoniam Domini est regnum. Et regnabit in saecula.

SECUNDA LECTIO

V. Jube, Domine, benedicere.
R. Unigenitus Dei Filius nos benedicere, et adiuvare dignetur.
A. Amen.

Respondit Jesus: regnum meum non est de hoc mundo. Si
ex hoc mundo esset regnum meum, ministri mei utique decer-
tarent, ut non traderer Judaeis; nunc autem regnum meum non
est hinc. Hoc est quod bonus magister scire nos voluit; sed prius
nobis demonstranda fuerat vana hominum de regno eius opinio,
sive gentium, sive Judeorum a quibus id Pilatus audierat: quasi
propterea morte fuisset plectendus, quod illicitum affectaverit
regnum.
Tu autem, Domine, miserere nobis.

R. Deo gratias.