Page 145 - Officiolo

TERTIA LECTIO (Eccl. 24,17-20)

V. Jube, Domine, benedicere.
R. Per Virginem Matrem concedat nobis Dominus salutem et
pacem.
A. Amen.

Quasi cedrus exaltata sum in Libano et quasi cypressus in
monte Sion, quasi palma exaltata sum in Cades et quasi plantatio
rosae in lerico, quasi oliva speciosa in campis et quasi platanus
exaltata sum juxta aquam in plateis. Sicut cinnamomum et bal-
samum aromatizans odorem dedi, quasi myrra electa dedi suavi-
tatem odoris.
Tu autem, Domine miserere nobis.

A. Deo gratias.

TE DEUM

Te Deum laudámus: * te Dóminum confitémur.
Te ætérnum Patrem, * omnis terra venerátur.

Tibi omnes ángeli, * tibi cæli et univérsæ potestátes:
tibi chérubim et séraphim * incessábili voce proclamant:

Sanctus, * Sanctus, * Sanctus * Dóminus Deus Sábaoth.
Pleni sunt cæli et terra * maiestátis glóriæ tuae.

Te gloriósus * Apostolórum chorus,
te prophetárum * laudábilis númerus,

te mártyrum candidátus * laudat exércitus.
Te per orbem terrárum * sancta confitétur Ecclésia,

Patrem * imménsæ maiestátis;
venerándum tuum verum * et únicum Fílium;