Page 233 - Officiolo

Dignáre, Dómine, die isto * sine peccáto nos custodíre.

Miserére nostri, Dómine, * miserére nostri.
Fiat misericórdia tua, Dómine, super nos, *
quemádmodum sperávimus in te.

In te, Dómine, sperávi: * non confúndar in ætérnum.

HYMNUS

Salutis aram Blasius erexit:
aegri accurrite,
languentiumque vindici
votiva dona ponite.

Cuicumque tristis obtinet
angina fauces gutturis,
cui semitam meabilem
obex iniquus perstruit.

Huc pharmacis mortalibus,
curisque spretis advolet,
potentiore martiris
lavandus arte et dextera.

Quam fortis ille et strenuus
suos dolores pertulit,
tam mitis et clemens opem
fert omniumque doloribus.

Invicte martyr servulos
tuos ab hoste protege,
infer salutem corpori,
refer quietem mentibus.

Sit summa laus et gloria
tibi superna Trinitas:
dona, precante Biasio,
beata nobis gaudia. Amen.