Page 51 - Officiolo
P. 51
Antiphona:
Haec dies, quam fecit Dominus: alleluja
exultemus et laetemur in ea, alleluja.
V. Surrexit Dominus de sepulchro, alleluia
R. Qui pro nobis pependit in ligno, alleluia
Pater noster…
Exaudi, Domine Jesu Christe, preces servorum tuorum,
et miserere nobis, qui cum Patre et Spiritu Sancto,
vivis et regnas in saecula saeculorum.
R. Amen
PRIMA LECTIO (Col. 3,1-5,17)
V. Jube, Domine, benedicere.
R. Benedictione perpetua benedicat nos Pater aeternus.
A. Amen.
De Epistola beati Pauli Apostoli ad Colossenses
Si consurrexistis cum Christo, quae sursum sunt quaerite,
ubi Christus est in dextera Dei sedens: quae sursum sunt sapite
non quae super terram. Mortui enim estis, et vita vestra est ab-
scondita cum Christo in Deo. Cum Christus apparuerit, vita ves-
tra, tunc et vos apparebitis cum ipso in gloria.
Mortificate ergo membra vestra quae sunt super terram: et omne
quodcumque facitis in verbo aut in opere, omnia in nomine Domi-
ni Jesu Christi gratias agentes Deo et Patri per ipsum.
Tu autem, Domine, miserere nobis.
A. Deo gratias.
Responsorium:
V. Angelus Domini locutus est mulieribus, dicens: «quem
